Bwrw bisgedi

This resource is in Welsh and is also available in English and Irish

Get the English language version.

Get the Irish language version.

Mae’r arbrawf hwn yn canolbwyntio ar briodweddau solidau gronynnog. Yn gyntaf, gwyliwch y fideo sy’n dangos yr arddangosiad ‘bwrw bisgedi’, yna dysgwch sut mae cynnal yr ymchwiliad hwn gyda’ch dysgwyr.

Amcanion dysgu

• Deall bod rhai solidau yn gasgliad o ronynnau bach iawn mae modd eu harllwys a’u bod yn cymryd siâp y cynhwysydd maen nhw’n cael eu harllwys iddo.
• Ymchwilio i briodweddau solidau.

Sgiliau ymholi:

• Rhagfynegi, arsylwi a chymharu.
• Defnyddio sgiliau arsylwi i gymharu dau ddefnydd.

Gwyliwch y fideo

Mae’r fideo isod yn dangos sut mae cynnal yr arddangosiad ‘bwrw bisgedi’.

Beth sydd angen i’r dysgwyr ei wybod gyntaf?

Byddai’n ddefnyddiol i’r dysgwyr fod wedi cael profiad o archwilio priodweddau amrywiaeth o ddeunyddiau bob dydd, gan gynnwys solidau a hylifau. Mae’r gweithgaredd hwn yn un da i ddatblygu dealltwriaeth o solidau gronynnol.

Equipment list

• 2 fisged digestive (cofiwch am unrhyw ofynion bwyd sydd gan unigolion, ee dim glwten, figan)
• 1 bag papur a thâp papur neu 1 bag plastig ailseliadwy
• 1 pin rholio (neu mae modd defnyddio dwylo)
• 2 gynhwysydd dwfn, ee potiau iogwrt
• 2 soser, dysglau Petri neu hambyrddau tec-awê
• 1 bicer bach/jwg o ddŵr
• Detholiad o cynwysyddion siapiau gwahanol (o’r bin ailgylchu)
• 1 tabl canlyniadau
• DEWISOL: chwyddwydr neu ficrosgop
• DEWISOL: solidau powdrog eraill fel coffi gronynnog, siwgr, halen, blawd (*cofiwch am alergeddau bwyd)