Rhew rhyfeddol

This resource is in Welsh and is also available in English and Irish

Get the English language version.

Get the Irish language version.

Mae’r arbrawf hwn yn canolbwyntio ar rewi gwahanol hylifau. Yn gyntaf, gwyliwch y fideo sy’n dangos yr arddangosiad ‘rhew rhyfeddol’, yna dysgwch sut gall eich dysgwyr rewi gwahanol hylifau ac ystyried priodweddau solidau a hylifau.

Amcanion dysgu

• Disgrifio priodweddau solidau, hylifau a nwyon.
• Deall bod defnyddiau yn newid eu cyflwr wrth oeri.

Sgiliau ymholi:

• Ymarfer rhagfynegi, arsylwi a chofnodi newidiadau sy’n digwydd dros amser, a dehongli a chyfleu’r canlyniadau.

Gwyliwch y fideo

Mae’r arddangosiad fideo isod yn dangos sut mae cynnal yr arddangosiad ‘rhew rhyfeddol’.

Beth sydd angen i’r dysgwyr ei wybod gyntaf?

Dylai’r dysgwyr fod yn gallu cymharu a grwpio deunyddiau yn ôl a ydyn nhw’n solid, yn hylif neu’n nwy.

Rhestr offer

• Mynediad at rewgell
• Biceri plastig
• Llwyau
• Dŵr
• Halen
• Siwgr
• Lliw bwyd
• Diod swigod
• Amrywiaeth o hylifau gall dysgwyr eu trin a’u rhewi, ee siampŵ, finegr, olew coginio, sudd ffrwythau a mêl

Mynediad at rewgell – gallai hyn fod mewn ystafell staff, cegin ysgol neu gartref. Sylwch nad oes risg i iechyd oherwydd nad oes dim o’r hylifau a fydd yn cael eu rhewi yn anaddas i’w defnyddio gan bobl.