Màs cymharol | Mewn cyd-destun

Mae startsh yn fath o garbohydrad sydd mewn llawer o fwydydd fel pasta, tatws, bara a reis. Pan fyddwn ni’n bwyta bwydydd startsh, mae’r ensymau yn ein cyrff yn torri’r moleciwlau startsh mawr yn foleciwlau llai o’r enw siwgrau syml. Mae’r cwestiynau yn y taflenni gwaith hyn yn archwilio rhai o’r adweithiau ac yn gofyn i’r dysgwyr gymhwyso eu dealltwriaeth o fàs cymharol i’r cyd-destun byd go iawn hwn.

Gwybodaeth am yr adnodd hwn

Mae’r taflenni gwaith Mewn cyd-destun hyn yn gofyn i’r dysgwyr ddefnyddio eu gwybodaeth am fàs cymharol yng nghyd-destun startsh a siwgrau, gan feithrin eu hyder a’u gallu i wynebu cwestiynau arholiad. Mae cymysgedd o gwestiynau amlddewis, ateb byr ac ateb hir yn ymdrin â’r canlynol:

• màs fformiwla cymharol
• hafaliadau cemegol cytbwys
• canran yr elfennau mewn cyfansoddion
• economi atomau

Bydd y dysgwyr yn ymarfer sgiliau mathemategol gydag arweiniad i fagu eu hyder. Mae’r taflenni gwaith ar gael ar lefel sylfaen a lefel uwch ac fel fersiynau y gellir eu golygu’n llawn, gan roi’r hyblygrwydd i chi ddewis y cwestiynau sydd fwyaf perthnasol i wers benodol neu grŵp o ddysgwyr.