Defnyddiwch y poster hwn a’r daflen ffeithiau hon i hybu dealltwriaeth eich myfyrwyr o adeiledd atomig
Mae deall adeiledd atomig yn ein helpu i egluro pam mae elfennau yn ymddwyn fel y gwnânt a pham maent yn ffurfio sylweddau gwahanol. Rydym yn defnyddio model planedol syml i ddisgrifio adeiledd atom, ond byddwn yn defnyddio modelau mwy cymhleth wrth astudio ar lefel ôl-16.
Gweld a lawrlwytho rhagor o ffeithluniau
Protonau, niwtronau ac electronau yw’r gronynnau is-atomig. Mae protonau (sydd â gwefr bositif) a niwtronau (niwtral) i’w canfod yn y niwclews yng nghanol yr atom. Mae electronau (sydd â gwefr negatif) yn orbitio’r niwclews mewn plisg (lefelau egni)
Mae’r plisgyn electronau cyntaf yn dal hyd at ddau electron; mae’r ail blisgyn yn dal hyd at wyth electron. Gall y trydydd plisgyn ddal hyd at 18 electron ond ar hyn o bryd rydym yn canolbwyntio ar is-blisgyn y tu mewn iddo, sy’n cynnwys hyd at wyth electron
Gallwn bennu rhai agweddau ar adeiledd atomig elfen ar sail ei lleoliad yn y tabl cyfnodol. Mae rhif y grŵp yn dweud wrthym faint o electronau sydd yn y plisgyn allanol (ar gyfer y tri chyfnod cyntaf) ac mae rhif y cyfnod yn cyfateb i nifer y plisg electronau
Yn y tabl cyfnodol, gallwch ddod o hyd i symbol elfen, ei henw a faint o ronynnau is-atomig sydd ynddi. Fodd bynnag, y rhif atomig (nifer y protonau) sy’n pennu pa elfen yw hi. Gall nifer y niwtronau a’r electronau amrywio ar gyfer elfen benodol, ond mae pob atom ac ïon o elfen benodol yn cynnwys yr un nifer o brotonau
Y rhif màs yw nifer y protonau a’r niwtronau. Gall nifer y niwtronau amrywio ar gyfer elfen benodol, ond mae nifer y protonau yr un fath bob amser
Downloads
Popeth sydd ei angen arnoch i addysgu adeiledd yr atom: poster
Handout | PDF, Size 0.71 mbPopeth sydd ei angen arnoch i addysgu adeiledd yr atom: taflen ffeithiau
Handout | PDF, Size 0.12 mbPopeth sydd ei angen arnoch i addysgu adeiledd yr atom: taflen ffeithiau
Editable handout | Word, Size 0.44 mb
No comments yet