Sut mae lluniadu diagramau dot a chroes bondio ïonig

No comments

Cyn bo hir, bydd eich dysgwyr 14–16 oed yn yn gallu cynrychioli’r grym electrostatig hwn yn hyderus

A ball and stick model for an ionic crystal

Pan fydd metel ac anfetel yn adweithio, mae’r atom metel yn colli electronau ac yn dod yn ïon â gwefr bositif ac mae’r anfetel yn ennill electronau i ddod yn ïon â gwefr negatif. Bond ïonig yw’r grym atyniad electrostatig cryf rhwng ïon metel ac ïon anfetel oherwydd eu gwefrau dirgroes.

Mae diagram dot a chroes yn un ffordd o fodelu’r trosglwyddo electronau sy’n digwydd yn ystod y broses hon.

Lawrlwytho’r adnoddau

Lawrlwytho’r Cyfan

Poster ffeithlun a thaflen ffeithiau

Arddangoswch y poster yn eich ystafell ddosbarth neu ar daflunydd. Neu gallwch ei argraffu a’i ddefnyddio fel taflen i’w dosbarthu.
- Y poster ar ffurf pdf
- Y daflen ffeithiau ar ffurf MS Word neu pdf
Adnoddau diagramau dot a chroes bondio ïonig

Defnyddiwch y matiau cysylltiedig y gellir eu hailddefnyddio a’r daflen waith i roi digon o ymarfer i’ch dysgwyr.
- Y matiau a’r daflen waith bondio ïonig ar ffurf MS Word neu pdf
- Yr atebion a’r nodiadau i athrawon ar ffurf MS Word neu pdf

Gweld a lawrlwytho rhagor o ffeithluniau

Sut mae lluniadu diagram dot a chroes ar gyfer magnesiwm ocsid

Mae magnesiwm yn fetel yng ngrŵp dau y tabl cyfnodol, felly bydd yn ffurfio ïon 2⁺. Mae ocsigen yn anfetel yng ngrŵp chwech y tabl cyfnodol, felly bydd yn ffurfio ïon 2^-.

Lluniadwch ddiagram ffurfwedd electronau pob atom

Lluniadwch blisgyn allanol pob atom. Mae gan y magnesiwm ddau electron yn ei blisgyn allanol, mae gan yr ocsigen chwech. Newidiwch y croesau yn ddotiau yn un o’ch diagramau

Wrth i fondio ïonig ddigwydd mae’r atomau’n ffurfio ïonau drwy ennill neu golli electronau i gael plisgyn allanol llawn. Mae’r magnesiwm yn colli dau electron ac mae’r ocsigen yn ennill dau electron, gan adael Mg²⁺ acO^2-.

Lluniadwch fachau petryal o amgylch pob ïon. Mae gan y magnesiwm drydydd plisgyn gwag erbyn hyn, felly lluniadwch yr ail blisgyn yn lle hynny

Ychwanegwch y wefr y tu allan i’r bachau petryal yn y gornel dde uchaf. Ysgrifennwch faint y wefr yn gyntaf, ac yna’r plws neu’r minws

Oeddech chi’n gwybod …?

Mae rhif y grŵp yn y tabl cyfnodol yn dweud wrthych chi faint o electronau sydd ym mhlisgyn allanol yr atom. Gallwch ddefnyddio hwn i gyfrifo gwefr yr ïon.
Mae’r wefr yn cael ei dosbarthu drwy’r ïon i gyd, ac mae’r bachau petryal yn dynodi hyn.
Mewn cyfansoddyn ïonig, nid â’r ïon y rhoddodd electronau iddo yn unig y mae’r ïon metel yn ffurfio bond. Mae’n ffurfio bondiau ïonig cryf ag ïonau sydd â gwefr ddirgroes ac sy’n ffitio’n ddigon agos ato yn y ddellten ïonig.
Nid yw magnesiwm ocsid yn hydawdd mewn dŵr oherwydd nid yw’r atyniad rhwng y moleciwlau dŵr polar a’r ïonau yn ddigon cryf i dorri’r bondiau ïonig rhwng yr ïonau magnesiwm ac ocsigen.

Lluniadu cyfansoddion ïonig mwy cymhleth

Mewn magnesiwm ocsid, mae’r gwefrau ar yr ïonau metel ac anfetel yn hafal a dirgroes. Beth sy’n digwydd pan nad yw’r gwefrau ar yr ïonau yn hafal o ran maint? Mewn alwminiwm ocsid, y wefr ar yr ïonau metel positif yw 3⁺ a’r wefr ar yr ïonau ocsid negatif yw 2^-. Dyma rai ffyrdd gwahanol o luniadu alwminiwm ocsid (Al₂O₃).